नगर प्रहरी भर्नामा ठाकुरबाबा नगरपालिकाको बदमासी

दीपक शर्मा 

२० मंसिर, काठमाडौं । बर्दियाको ठाकुरबाबा नगरपालिकाले नगर प्रहरी भर्तीमा आफूले चाहेको व्यक्तिलाई राख्नका लागी चोर बाटो अपनाएको पाइएको छ ।  नगरपालिकाले एक जना नगर प्रहरी हवल्दारको माग गरेर सूचना सार्वजनिक गरेको र भर्ना गर्ने बेलामा २ जनालाई भर्ना गरेको पाइएको हो । 

पालिकाले २०८० श्रावण ९ गते करारमा नगर प्रहरी भर्ना सम्वन्धि सूचना प्रकाशित गरेको थियो जसमा नगर प्रहरी नायव निरिक्षक १ जना, नगर प्रहरी सहायक निरिक्षक १ जना , नगर प्रहरी हवल्दार १ जना र नगर प्रहरी जवान ९ जना गरी १२ जना नगर प्रहरी भर्नाको लागी सूचना निकालेको  थियो  । खुल्ला प्रतिस्पर्धा बाट लिइने भनिएको भर्नामा बैकल्पिकका रुपमा रहेका व्यक्तिलाई समेत छनौट गरी नगर प्रहरी हवल्दारमा २ जनालाई नियुक्ति गरिएको छ ।

सूचनामा एक जना माग भएपनि २ जनालाई राखेकोमा नगरपालिका प्रति प्रश्न चिन्ह खडा भएको छ । स्रोतका अनुसार नगर प्रहरी हवल्दारमा वैकल्पिकमा नाम निस्किएका व्यक्तिलाई पालिकाले पहिलै जागीर दिने आश्वासन दिएको थियो । पालिकाले चोर बाटो समाउदै दोस्रो पटकको सूचना लुकाउदै हवल्दार पदमा २ जनालाई भर्ना गरेको हो । 

यस विषयमा बुझन खोज्दा प्रमुख प्रशासकिय अधिकृत रामहरि रिजालले पहिले प्रकाशित भएको सूचनामा १ जना प्रहरी हवल्दार मागिएको पछि कार्यपालिकाको बैठकबाट थप एक जना माग गरिएकै कारण २ जना भएको  बताए । यसै गरी ठाकुरबाबा नगरपालिकाका प्रवत्ता रामरानी थारुले सो निर्णय अनुसार नै भएको दावी गरे । पालिकाले पहिले नै आश्वासन दिएको मान्छे राख्नका लागी कर्मचारी , जनप्रतिनिधिले चोर बाटो अपनाउँदा ठाकुरबाबा नगरपालिकाकाले नगरवासीलाई प्रदान गर्ने सेवा सुविधाका विषयमा समेत खोतल्नुपर्ने बेला आएको स्थानीयबासीहरु भनाई रहेको छ ।