उपप्रमुख रेगीनाद्वारा जाजरकोट भुकम्पपीडितलाई आर्थिक सहयोग प्रदान

२० मंसिर, झापा । जाजरकोट र रुकुम पश्चिममा गएको बिनासकारी भुकम्पमा परि ज्यान गुमाउने नागरिकहरूलाई सहयोग प्रदान गर्न दमक नगरपालिकाका नगर उपप्रमुख सहितको टोली रुकुमपूर्व पुगेर सहयोग हस्तान्तरण गरेको छ । 

दमक नगरपालिकाको तर्फबाट जाजरकोटका भुकम्प पिडितहरुलाई राहत सहयोग स्वरुप ३ लाखको चेक जाजरकोट जिल्ला प्रसाशन कार्यालयका प्रशासकीय अधिकृत हरिशचन्द्र शर्मामार्फत भुकम्प प्रभावित राहत कोष जाजरकोट २०८० को खातामा जम्मा हुने गरी उपप्रमुख रेगीना भट्टराई प्रसाइले एक कार्यक्रमकाबीच हस्तान्तरण गरिन ।

त्यसैगरी नगर उपप्रमुख प्रसाईले दमक नगरपालिका तथा दमक नगरपालिकाका सम्पूर्ण नगरबासीहरुको तर्फबाट रुकुम पश्चिमका भुकम्प पिडितहरुलाई राहत स्वरुप २ लाखको चेक रुकुम पश्चिम जिल्लाका प्रमुख जिल्ला अधिकारी हरि प्रसाद पन्तमार्फत जिल्ला विपत् व्यवस्थापन समिति रुकुम पश्चिमको खातामा जम्मा हुने गरी हस्तान्तरण गरिन् ।  दमक नगरपालिकाकी नगर उपप्रमुख प्रसाइले एक कार्यक्रमका बीच उक्त चेक हस्तान्तरण गरेकी हुन् ।