विराटनगरमा सातघुम्तीमा आगलागी, एक जनाको मृत्यु

२० मंसिर, विराटनगर । विराटनगरको सातघुम्ती चोकमा रहेको एउटा कवाडी गोदाममा आगलागी भएको छ । आगलागीमा परेर घाइते भएका एक जनाको मृत्यु भएको छ । सातघुम्ती चोकमा रहेको एउटा कवाडी गोदाममा भएको आगलागीमा परेर घाइते भएका ३० वर्षीय दिपक मण्डलको मृत्यु भएको हो । 

विराटनगर ७ का उनको न्यूरो अस्पतालमा उपचारकै क्रममा मृत्यु भएको हो । दीपक मण्डलको मृत्यु भएको र न्यूरोमा उपचार गराइरहेका थप तीन जना पनि गम्भीर घाइते सामान्य रहेको मोरङ प्रहरी प्रवक्ता डिएसपी रन्जन दाहालले जानकार दिए । कोशीमा उपचार गराइरहेका एक जनाको पनि अवस्था सामान्य छ ।