माछापुच्छ्रे बैंकले ल्यायो फिनपोस कारोबारमा प्रविधि सुविधा

२२ मंसिर, काठमाडौं । डिजिटल बैंकिङमा माछापुच्छ्रे बैंक लिमिटेडले नेपालमा पहिलो पटक पोस मेसिनमा तत्काल भुक्तानी सूचना प्रविधिको शुभारम्भ गरेको छ ।

नेपालभरका फिनपोस ब्रान्डको मेसिनमा रिसिप्टको साथै ध्वनी 'साउण्ड' बाट पनि भुक्तानीको सुचना दिने गरी बैंकले यो नविनतम प्रविधिको सुरुवात गरेको हो । माछापुच्छ्रे बैंकका फिनपोस मर्चेन्टहरुले कार्ड, क्युआर 'नेपाल पे वा फोन पे र एम-स्मार्ट एनएफसी' मार्फत भुक्तानी प्राप्त गर्दा कारोबार सफल भएको जानकारी ध्वनि मार्फत हुने बैंकले जानकारी गराएको छ ।

जसले गर्दा सेवाग्राही तथा मर्चेन्टहरुमाझ कार्ड कारोबार प्रति लोकप्रियता एवम् विश्वासनियता अझ बढ्ने बैंकको अपेक्षा छ ।यस सुविधाबाट माछापुच्छ्रे बैंकका हजार भन्दा बढी फिनपोस पोस राख्ने मर्चेन्टहरु प्रत्यक्ष लाभान्वित हुने छन् । साथै अन्य कुनै मर्चेन्टहरुलाई यो प्रविधि चाहिएको खण्डमा माछापुच्छ्रे बैंकको ग्राहक सेवा केन्द्रमा सम्पर्क राखी उक्त सेवा सजिलै जडान गर्न सकिने बैंकले जनाएको छ ।

यस बाहेक फरक फरक माध्यमहरू मार्फत डिजिटल भुक्तानी सुविधालाई सहज बनाउन ग्राहकहरुका लागि नवीन उत्पादन र सेवाहरु ल्याउन माछापुच्छ्रे बैंक सधैँ तत्पर रहेको बैकले जारी गरेको विज्ञप्तिमा उल्लेख छ । बैंकले नगदरहित बैकिङलाई बढवा दिँदै पहिलो डिजिटल ‘ स्मार्ट बैंक’ को रूपमा आफूलाई स्थापित गर्ने लक्ष्यमा निरन्तर अगाडी बढाइरहेको छ ।

बैंकले देशका ७ वटै प्रदेशमा १६५ शाखा, १२ एक्सटेन्सन काउन्टर, १३० शाखारहित बैंकिङ सेवा, २०३ एटिएम मार्फत १५ लाख भन्दा बढी ग्राहकलाई सेवा प्रदान गर्दै आइरहेको छ ।