सरकारी अड्डाको बेथितिः अघिअघि पिच, पछिपछि गैंती

२३ मंसिर, काठमाडौं । असारमा बजेट सक्न हतारमा बनाइएका भित्रि सडक यतिबेला खनेर असरल्ल बनाइएका छन् । सडक बनाएर पिच गर्ने समयभन्दा अगाडी त्यसमा खानेपानीका पाइपहरु राखेर धारापानीको व्यवस्था मिलाएर पिच गर्नु पर्ने हो । अन्य देशमा सडक बनाउँदा यसै गरिन्छ । 

तर, नेपालमा भने पहिले सडक विभागले बाटो बनाएर पिच गर्छ र त्यो पिच सुक्न नपाउँदै खानेपानीले भत्काउन थाल्छ । यी देखाइएका काठमाडौंको घट्टेकुलो एरियाका भित्रि सडक हुन । यी सडक असारमा पिच भएका थिए । अहिले खनेर बाटो हिड्न नहुने बनाइएका छन् । 

सकड खनिदैछ भन्ने सूचना समेत नदिएका कारण घरबाट अफिस निस्किएकाहरु बोटामै अलपत्र पपर्ने गरेका छन् । यी भित्रि सडक झण्डै चार वर्षदेखि अलपत्र थिए ।  धुलो र हिलोले आजित भएका स्थानीयले सडक पिच गर्न माग कयौ चोटी माग पनि गरे । तर, बल्ल हिड्न योग्य भएका सडक फेरी खनेर खाल्डै खाल्डा पारिएको छ । 

सामान्य वर्षामा काठमाडौंका सानाठूला सबै सडक हिलाम्य हुन्छन् । पानी पर्दा हिलो र घाम लाग्दा धुलो हुने काठमाडौंका सडकको विशेषता नै बनेको छ । राजधानीका सडक केही पिच हुने अवस्थामा छन् त केही भइरहेका पनि छन् । तर कालोपत्रे भइरहेका ती सडकको आयु कति टिक्छ ? के ती सडक कम्तीमा एक वर्ष टिक्छन् ? यसको पपत्तो छैन । यो बेथिति कहिले सम्म रहने ?।