राष्ट्रियसभा निर्वाचनबारे शीर्ष नेताहरूले थाले छलफल

२५ मंसिर, काठमाडौं । सत्ता गठबन्धनका नेताहरुले राष्ट्रियसभा निर्वाचन र उम्मेदवार चयनबारे छलफल सुरु भएको छ । प्रधानमन्त्री पुष्पकमल दाहाल प्रचण्ड राष्ट्रियसभा निर्वाचन र एनसेलको शेयर प्रकरणसम्बन्धी छलफल गर्न बैठक बोलाएका हुन् । 

प्रधानमन्त्री निवास बालुवटारमा गठबन्धन दलका शीर्ष नेताहरूबीच एनसेल प्रकरण, राष्ट्रियसभा लगाउतका विषयमा छलफल भइरहेको  प्रधानमन्त्रीको सचिवालयले जनाएको छ । 

माघ ११ गते हुने १९ सदस्य राष्ट्रियसभा निर्वाचनका लागि दलीय भागबण्डा नजिक पुगे पनि कसले कति पाउनेमा निष्कर्षमा पुगेको छैन । पछिल्लो एनसेल र सुन प्रकरणले सरकार आलोचित भइरहेको छ ।