संघीय संसद सचिवालय महासचिव भरतराज गौतमले दिए पदबाट राजीनामा

२५ मंसिर, काठमाडौं । संघीय संसदका महासचिव डा. भरतराज गौतमले राजीनामा दिएका छन् । उनले आइतबार राष्ट्रपति समक्ष राजीनामा बुझाएका थिए । उनको राजीनामा राष्ट्रपतिबाट स्वीकृत भइसकेको छ । 

आइतबार साँझ उनले राष्ट्रपति रामचन्द्र पौडेलसमक्ष राजीनामा दिएका हुन् । उनको पदावधि ८ महिना बाँकी छदै राजीनामा दिनुको कारण भने खुलाएका छैनन् । उनले राजीनामा दिएपछि प्रतिनिधिसभाका सभामुख देवराज घिमिरे र राष्ट्रियसभा अध्यक्ष गणेश तिमल्सिनाले राष्ट्रपति पौडेललाई भेटेका छन् ।  

उनीहरूले राष्ट्रपति पौडेललाई भेटेर प्रतिनिधिसभा सचिव रहेका पदम पाण्डेलाई महासचिवमा सिफारिस गरेका छन् । राष्ट्रपतिले पौडेलले अब पाण्डेलाई नियुक्त गर्नेछन् ।