संसद सचिवालयको महासचिवमा पाण्डे सिफारिस

२५ मंसिर, काठमाडौं । संघीय संसदको नयाँ महासचिवमा पदमप्रसाद पाण्डेको नाम सिफारिस भएको छ । संघीय संसद्का सचिव रहेका पाण्डेलाई महासचिवका लागि प्रतिनिधिसभाका सभामुख देवराज घिमिरे र राष्ट्रियसभाका अध्यक्ष गणेश प्रसाद तिमल्सिनाले राष्ट्रपति रामचन्द्र पौडेलसमक्ष सिफारिस गरेका हुन् । 

संविधानको धारा १०६ बमोजिम प्रतिनिधिसभाको सभामुख र राष्ट्रिय सभाको अध्यक्ष दुवैको संयुक्त सिफारिसमा संघीय संसदको महासचिवमा प्रतिनिधिसभाका सचिव पाण्डेयको नाम सिफारिस भएको हो । संघीय संसद सचिवालयका महासचिव डा. भरतराज गौतमले घरासयी कारण देखाउँदै राष्ट्रपतिसमक्ष राजीनामा दिएका थिए ।