साढे १२ बजेभित्र ३ अर्ब ३ करोडको शेयर कारोबार

२५ मंसिर, काठमाडौं । शेयर बजारमा सोमबार दुई घण्टाको अवधिमा तीन अर्ब तीन करोड रुपैयाँबराबरको कारोबार भएको छ । आइतबार सकारात्मक सर्किट लागेसँगै बजारमा लगानीकर्ता आर्षित भएका हुन् । आइतबार नौ मिनेटको अवधिमा ४८ करोड रुपैयाँको सेयर कारोबार भएको थियो ।

आजको शेयर कारोबार तीन महिनायताकै उच्च हो । दिउँसो १ः१० बजेसम्म २९५ धितोपत्रका ६६ हजार ५० पटकको कारोबारमा ९३ लाख ६२ हजार १३३ कित्ता खरिद–बिक्री भएको नेपाल स्टक एक्सचेन्ज (नेप्से)ले जनाएको छ ।