अब १० कित्त मात्र शेयर भर्न नपाइने

२५ मंसिर, काठमाडौं । नेपाल धितोपत्र बोर्डले १० कित्ता आईपीओ भर्ने व्यवस्था हटाउने भएको छ । आईपीओमा न्यूनतम १० कित्ता दिनैपर्ने नीति हटाउने तयारी गरेको हो । यसका लागि समिति पनि गठन गरिएको छ । बोर्डले १० कित्ते नीति पुनरावलोकनको लागि समिति गठन गरको हो । 

प्रविण कुमार झाको संयोजकत्वमा बनेको समितिमा बोर्ड सदस्य भोलानाथ ढुंगाना, कार्यकारी निर्देशक समेत रहेका मुक्ति श्रेष्ठ र उपकार्यकारी निर्देशक अम्बिकाप्रसाद गिरी सदस्य रहेका छन् ।

समितिले आईपीओमा न्यूनतम १० कित्ते नीति सम्बन्धी व्यवस्था पुनरावलोकनका लागि अध्ययन गर्ने छ । अध्ययनबाट यथावत राख्ने की हटाउने भनेर सुझाव पेश हुने छ ।