शेखर समूहको बैठक बुधबारलाई सर्यो

२४ मंसिर, काठमाडौं । नेपाली कांग्रेस संस्थापन इतर समूहको बैठक बुधबारका लागि सारिएको छ । सोमबार नेता अर्जुननरसिंह केसीको घरमा भएको महामन्त्री गगन थापा र नेता शेखर कोइरालाबीच भएको छलफलम बैठक एकदिन पछि सार्ने निर्णय भएको हो । 

सोमबार साँझ नेता अर्जुननरसिंह केसीसहितका नेताले मंगलबारलाई डाकेको भेला बुधबारलाई सार्न सहमति गरेको एक नेताले नेपालबससलाई जानकारी दिए । यसअघि शेखरले समूहले मंगलबार भेला बोलाएको थियो । पर्सि बैठक सारेर सामूहिक रुपमै छलफल गर्ने भएका हुन् । 

शेखर समूहले आगामी राष्ट्रियसभाको निर्वाचन, महासमितिको बैठक लगायतका विषयमा छलफल गर्न भेला बोलाएको हो । सभापति देउवाले महासमितिको बैठक सार्ने तयारी गरेका छन् । यसबारे निर्णय लिन सभापति देउवाले शुक्रबार केन्द्रीय कार्यसम्पादन समिकिो बैठक बोलाएका छन् ।