सर्वोच्चका न्यायाधीशको कार्यकाल ७ वर्षे बनाउन नेपाल बारको चलखेल

२५ मंसिर, काठमाडौं । सर्वोच्च अदालतका न्यायाधीशको कार्यकाल ७ वर्ष मात्र गराउने गरी व्यवस्था गर्न नेपाल बार एशोसिएसनले पह गर्ने भएको छ । सर्वोच्च अदालतको न्यायाधीशको कार्यकाल ७ वर्ष मात्र हुनुपर्ने भनी यसअघि आफैंले अघि सारेको प्रस्तावमाथि अध्ययन गर्न बारे अध्ययन समिति बनाउने भएको छ ।

बारको ४९ औं केन्द्रीय कार्यकारिणी परिषदको बैठकले सर्वोच्च अदालतका न्यायाधीशको पदावधिका बारेमा अध्ययन गर्न समिति बनाउन बार कार्यसमितिलाई निर्देशन दिएको छ । अध्ययन समितिले दिएको प्रतिवेदन बारको आगामी राष्ट्रिय समितिमा पेश गरिनेछ । नेपाल बार एशोसिएसनका अध्यक्ष गोपालकृष्ण घिमिरेका अनुसार केन्द्रीय समिति बैठकले अध्ययन समिति बनाउनेछ । 

कार्यकारिणी परिषदको निर्णय अनुसार समिति गठन हुने र यसबारे अध्ययन गरेर प्रतिवेदन बुझाउनेछ । बारले अघि सारेको प्रस्ताव उचित देखिए संविधान संशोधनपछि मात्रै त्यसको कार्यान्वयन हुनेछ । यसका लागि  उच्चस्तरीय राजनीतिक सहमती पनि आवश्यक पर्नेछ ।