रामायणको छायांकन २०२४ को गर्मीबाट सुरु हुने, रामको भूमिकामा रणवीर कपूर

२७ मंसिर, काठमाडौं । नितिश तिवारीको निर्देशनमा बन्ने बलिउड फिल्म रामायणको छायांकन २०२४ को गर्मीबाट सुरु हुने भएको छ । यो  फिल्ममा रणवीर कपूर रामको भूमिकामा देखिनेछन् भने साई पल्लवी सीताको भूमिकामा देखिने अपेक्षा गरिएको छ ।

ओस्कार विजेता कम्पनीले फिल्मको लागि भिएफएक्स डिजाइन गरिरहेको छ । केही समय अघि, पिंकभिलाको रिपोर्टले नितेश तिवारी र उनको टोली रामायणको संसारलाई पर्दामा उत्कृष्ट तरिकाले ल्याउनको लागि कडा तयारी गरिरहेको बताएको थियो। फिल्मको भिएफएक्स डिजाइन ओस्कर विजेता कम्पनीले गरिरहेको छ ।

तमिल अभिनेत्री साई पल्लवी सीताको भूमिकामा देखिनेछिन् । नितिश तिवारीले यस फिल्ममा माता सीताको भूमिकाका लागि तमिल अभिनेत्री साई पल्लवीलाई कास्ट गर्ने निर्णय गरेका छन् । यो फिल्मबाट नायिकाले बलिउडमा डेब्यु गर्न लागेकी हुन् । 

यसअघि माता सीताको भूमिकामा दीपिका पादुकोण र त्यसपछि आलिया भट्टलाई कास्ट गर्ने चर्चा थियो । यद्यपि निर्देशकले आलिया भट्टलाई यो भूमिका कहिल्यै प्रस्ताव गरेनन्। फिल्ममा केजीएफ फेम यश रावणको भूमिकामा देखिनेछन् ।

रामायणमा आदिपुरुष विवादको प्रभाव

दंगल, छिछोरे जस्ता चलचित्र निर्देशन गरेका नितेश तिवारीले चलचित्र रामायण निर्देशन गर्ने भएका छन् । यसअघि यो फिल्म मधु मन्टेना, नमित मल्होत्रा ​​र अल्लु अरविन्दले निर्माण गरेका थिए तर आदिपुरुषको विवादका कारण रामायणमा आधारित फिल्म नमित मल्होत्रा ​​र अल्लु अरविन्दले फिल्म छाडेका थिए । अहिले यो फिल्म मधु मन्टेनाले मात्र निर्माण गर्दैछन् ।

सनी देओल हनुमानको भूमिकामा  

केही समयअघि सनी देओल फिल्म रामायणमा भगवान हनुमानको भूमिकामा देखिने खबर पनि आएको थियो । सन्नीको लुक्सलाई ध्यानमा राखेर निर्माताले उनलाई यो भूमिकाका लागि भनेकाे स्रोतले बताएको छ । यद्यपि यस विषयमा निर्माता पक्ष वा सन्नीले कुनै पनि आधिकारिक घोषणा गरेका छैनन् ।