जसपाको मगरात राष्ट्रिय समिति पुनर्गठन

२७ मंसिर, काठमाडौं । जनता समाजवादी पार्टी 'जसपा' नेपालको मगरात राष्ट्रिय समिति 'गण्डकी प्रदेश' पुनर्गठन भएको छ । मंगलबार आयोजित कार्यक्रमबाट धनबहादुर गुरुङको अध्यक्षतामा २३ सदस्यीय समिति पुनर्गठन भएको हो ।

समितिको उपाध्यक्षमा जुमबहादुर गुरुङ, गंगा घर्ती मगर, रेशम गुरुङ र मुख्यसचिवमा देवीसरा पुलामी चयन भएका छन् ।

जसपाले यस अघि मगरात राष्ट्रिय समिति 'लुम्बिनी प्रदेश' समिति गठन गरेको थियो । दुवै प्रदेश अन्तर्गतका राष्ट्रिय समिति पुनर्गठनपश्चात मगरात राष्ट्रिय समन्वय समिति गठन गरिने छ ।