समाजवादी विद्यार्थी युनियन केन्द्रीय समितिको प्रशिक्षण सकियो

२७ मंसिर, काठमाडौं । जनता समाजवादी पार्टी 'जसपा' नेपालसम्बद्ध समाजवादी विद्यार्थी युनियन नेपाल केन्द्रीय समितिले आयोजना गरेको प्रशिक्षण कार्यक्रम सम्पन्न भएको छ ।

ललितपुरको बालकुमारीमा मंगलबार पार्टीका अध्यक्ष उपेन्द्र यादव र केन्दीय कार्यकारिणी समिति सदस्य एवम् बागमती प्रदेश समिति इन्चार्ज सुशीला श्रेष्ठले विद्यार्थी संगठनका अगुवा नेताहरूलाई प्रशिक्षण दिए ।

अध्यक्ष यादवले नेपालका राजनीतिक दलहरूको तुलनात्मक अध्ययनका विषयमा प्रशिक्षण दिएका थिए । त्यसैगरी नेतृ सुशीला श्रेष्ठले राजनीतिमा लैङ्गिक सशक्तीकरणमा युवा विद्यार्थीको भूमिका विषयमा प्रशिक्षण दिए ।

कार्यक्रममा पचास जना विद्यार्थी नेताहरु सहभागी रहेको संगठनका अध्यक्ष रमेश यादवले जानकारी दिए ।कार्यक्रममा युवा, विद्यार्थी खेलकुद संयुक्त संयन्त्रका प्रमुख रमेशबाबु श्रेष्ठ, विद्यार्थी संगठनका पूर्व इन्चार्ज अशोक यादवलगायत सहभागी रहेका थिए ।