सञ्चार मन्त्रालय र सूचना विभागको वेबसाइट ह्याक, प्राविधिक टोली खटाइएको छः मन्त्री शर्मा

२९ मंसिर काठमाडौं । सञ्चारमन्त्री रेखा  शर्माले शुक्रबार विहानैदेखि सञ्चार तथा सूचना प्रविधि मन्त्रालय र सूचना विभागको बन्द वेबसाइट खुलाउने काम भइरहेको बताएकी छिन् । आज विहानैदेखि दुवै कार्यालयको वेबसाइट बन्दछ । बिहीबार रातीदेखिनै साइड बन्द भएको अनुकान गरिएको छ ।  

अहिले वेबसाइट खोल्दा नेपाल सरकारको लोगो र ४०४ पृष्ठ फेला परेन भन्ने देखिन्छ । शुक्रबार वेबसाइट नखुल्दा अनलाइनमार्फत हुने सबै काम रोकिएको छ ।

वेबसाइट नखुल्नुको कारण खुलेको छैन । सञ्चार मन्त्रालय र सूचना विभागको वेबसाइट ह्याक भएको हुनसक्छ । नेपाल सरकारका वेबसाइटहरु डाउन हुने र ह्याक हुने समस्या यसअघि पनि पटक–पटक हुने गरेका थिए । मन्त्री शर्माले प्राविधिक टोली खटिएको बताइन् । 
 
साइट डाउनबारे के भएको हो भनेर मन्त्रालयका सहसचिव बाबुराम भण्डारी लगायतको टोलीले समस्या पत्ता लगाउने काम गरिरहेको सरकारका प्रवक्ता समेत रहेकी सञ्चार मन्त्री शर्माले जानकारी दिइन् ।