सत्तामा कांग्रेस, सरकारविरुद्ध जाने पार्टीको निर्णय
नेपालबहस संवाददाता
मंसिर २९, २०८० शुक्रबार १९:५४:५८
२९ मंसिर, काठमाडौं । सत्ता गठबन्धनकोसमेत नेतृत्व गरिरहेको नेपाली कांग्रेसले सरकारका कामकारवाहीविरुद्ध अभियान चलाउने निर्णय गरेको छ । कांग्रेसकै संस्थापन इतर समूहको नेतृत्व गरिरहेका डा.शेखर कोइरालाले नेकपा माओवादीका अध्यक्ष एवं प्रधानमन्त्री पुष्पकमल दाहाल प्रचण्डको तिब्र आलोचना गरिरहेका बेला सरकारको भूमिकामा केन्द्रित कार्यक्रम सार्वजनिक गरेको छ ।
पुस १२ देखि चल्ने केन्द्रीय समितिको बैठक पनि सत्ता केन्द्रित हुने बताइएको छ । कांग्रेस सरकारमा सहभागि भएपनि कांग्रेसकै नेताहरुले आलोचना गरिरहेका छन् । नेता शेखर कोइरालाले त प्रधानमन्त्री प्रचण्डलाई नेतृत्व छोड्न चुनौती नै दिएका छन् । सरकारका कामले कांग्रेसको बदनाम भएको उनको भनाइ छ ।
सरकारकै विषयलाई प्राथमिकता दिएर कांग्रेसले पहिलोपटक केन्द्रीय समितिको बैठक गर्न लागेको छ । कांग्रेसबाट केन्द्रीय सरकारमा नौ जना मन्त्री छन् । बैठकमा कांग्रेसबाट मन्त्री भएकाहरुले यो अवधिमा भएका मन्त्रालयगत कार्यको जानकारी बैठकमा राख्ने छन् । आफ्नै मन्त्रीको काम प्रति पनि कांग्रेसमा ओलोचना भइरहेको छ ।
पुस १२ देखि बोलाइएको केन्द्रीय समिति बैठक मुख्यगरि सरकारको भूमिकामा केन्द्रित हुने बताइएको छ । यसअघि पदाधिकारी बैठकमा भएको छलफल अनुसार केन्द्रीय समितिमा मूलभूत रुपमा सरकारको काम कारबाहीमा केन्द्रीत रहेर छलफल हुने भएको छ । यो बैठकमा सरकारको नेतृत्वमाथि पनि प्रश्न उठ्ने देखिएको छ । कांग्रेसले अब सरकारको नेतृत्व लिनुपर्ने दवाव सभापतिलाई बैठकमा दिने केन्द्रीय सदसइहरुको तयारी छ ।
यस्तै कांग्रेसले पुस १६ गतेदेखि माघ १६ गतेसम्म एक महिने अभियान सञ्चालन गर्ने भएको छ । कार्यसम्पादन समितिको बैठकले एक महिने अभियान सञ्चालन गर्ने निर्णय गरेको हो । १६ पुसदेखि १६ माघसम्म वडा तहसम्म पार्टी प्रतिनिधि परिचालन गरिने कांग्रेसले जनाएको छ । स्थगित भएको दोस्रो चरणको ‘समुदायमा कांग्रेस’ अभियान १६ पुसदेखि गर्न लागिएको छ । अभियानका लागि ७७ वटै जिल्लामा प्रतिनिधि खटाउने कांग्रेसले जनाएको छ ।
साउनमा बसेको केन्द्रीय समिति बैठकले भदौ १० देखि २४ सम्म ‘समुदायमा कांग्रेस’ अभियान गर्ने निर्णय गरेको थियो । उक्त अभियान भने पार्टीले स्थगित गरेको थियो । पार्टी संगठन र नागरिकसँग जोडिने दुबै कार्यक्रम हुने महामन्त्री गगन थापाले जानकारी दिए । यस अभियानमा पनि सरकारको कामकाबारे सुझाव लिइनेछ ।
यो अभियानमा पदाधिकारी पनि खटिने छन् । संगठनका काम र समुदायसँग जोडिने काम यो अभियानले गर्नेछ । पार्टीले खटाउने प्रतिनिधिलाई तल्लो तहमा भएका विवाद मिलाउने जिम्मेवारी समेत दिइएको छ । बैठकले साउन १० मा सार्वजनिक वार्षिक क्यालेण्डर परिमार्जन गर्ने निर्णय गरेको छ । वार्षिक क्यालेण्डर परिमार्जनको जिम्मेवारी महामन्त्री थापाले पाएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजोखिममा काम गर्ने पत्रकारको राज्यले संरक्षण गर्छ : मन्त्री गुरुङ
असोज ७, २०८१ सोमबार
अर्थमन्त्री पौडेल चीन प्रस्थान गर्दै
असोज ७, २०८१ सोमबार
समाजलाई साहित्यले विशिष्ट रुपमा देखाउँछ : मन्त्री पाण्डे
असोज ७, २०८१ सोमबार
नेकपा एसमा विवादः रामकुमारीसहित असन्तुष्ट नेताहरु एमालेसँग नजिकिदै
नेपालबहस संवाददाता
असोज ६, २०८१ आइतबार
घरबाटै पक्राउ परे मेडिकल व्यवसायी दुर्गा प्रसाईं
नेपालबहस संवाददाता
असोज ६, २०८१ आइतबार
रवि आजै पक्राउ नपर्ने, चीन गएका नेताहरु फर्किदै, प्रहरीले पुरक अभियोजन गर्ने
असोज ७, २०८१ सोमबार
सय रुपैयाँमा मिनिरल वाटर बेच्ने जिम्बु थकालीलाई ३ लाख जरिवाना
असोज ७, २०८१ सोमबार
नवलपुरको विनियी त्रिवेणीमा यात्रुवाहक बस दुर्घटनामा २३ जना घाइते
असोज ८, २०८१ मंगलबार
विश्वकप लिग-२: नेपालले आज ओमानसँग खेल्दै
असोज ८, २०८१ मंगलबार
मौसममा फेरि फेरबदलः कृषि क्षेत्रमा असर पर्नसक्ने
असोज ८, २०८१ मंगलबार
कस्तो छ तपाईको आजको राशीफल ?
असोज ८, २०८१ मंगलबार
जोखिममा काम गर्ने पत्रकारको राज्यले संरक्षण गर्छ : मन्त्री गुरुङ
असोज ७, २०८१ सोमबार
अपडेट : लेबनानमा इजरायली आक्रमणमा २१ बालबालिकासहित २७४ जनाको मृत्यु
असोज ७, २०८१ सोमबार