पुस महिनाका लागि बैंकहरुको ब्याजदर सार्वजनिक, सानिमा र प्रभुबाहेक सबैले घटाए ब्याज

३० मंसिर, काठमाडौं । नेपाल राष्ट्र बैंकले जारी गरेको पहिलो मौद्रिक नीतिको समीक्षाअनुसार बैंकहरुले ब्याजदर समायोजन गरेका छन् । पुस महिनाका लागि वाणिज्य बैंकहरूले नयाँ ब्याजदर सार्वजनिक गर्ने क्रममा मौद्रिक नीतिलाई मानेको देखिएको छ । जसमा १८ बैंकले मंसिरको तुलनामा ब्याजदर घटाउँदा दुइवटाले स्थिर नै राखेका छन् । प्रभु बैंक र सानिमा बैंकले पुसका लागि मंसिरकै ब्याजदर कायम गरेका छन् । 

सिटिजन्स बैंकले १.३५ प्रतिशत बिन्दुले निक्षेपको ब्याजदर घटाएको छ । एभरेस्ट बैंक, ग्लोबल आईएमई बैंक, लक्ष्मी सनराइज बैंक, माछापुच्छ्रे बैंक र नेपाल एसबीआई बैंकले १ प्रतिशतका दरले ब्याजदर घटाएका छन् । निक्षेपमा प्राइम बैंकले सबैभन्दा बढी ब्याज राखेको छ । 

प्रभु बैंक र सानिमा बैंकले व्यक्तिगत मुद्दती निक्षेपमा अधिकतम ९ प्रतिशत र संस्थागततर्फ ७ प्रतिशत ब्याजदर दिने भएका छन् । हिमालयन बैंकले व्यक्तिगत मुद्दती निक्षेपमा अधिकतम ८.६० प्रतिशत र संस्थागततर्फ ६.६० प्रतिशत दिने भएको छ । नेपाल एसबीआई बैंक र माछापुच्छ्रे  बैंकले व्यक्तिगत मुद्दती निक्षेपमा अधिकतम ९.६ प्रतिशत र संस्थागततर्फ ७.६० प्रतिशत ब्याजरद तोकेका छन् । 

यस्तै लक्ष्मी सनराइज बैंकले व्यक्तिगत मुद्दती निक्षेपमा अधिकतम ९ प्रतिशत र संस्थागततर्फ ७ प्रतिशत तोकेको छ । ग्लोबल आईएमई बैंकले व्यक्तिगत मुद्दती निक्षेपमा अधिकतम ८.६० प्रतिशत र संस्थागततर्फ ६.६० प्रतिशत ब्याजदर तोकेको छ । एभरेस्ट बैंकले व्यक्तिगत मुद्दती निक्षेपमा अधिकतम ८ प्रतिशत र संस्थागततर्फ ६ प्रतिशत र एनएमबी बैंकले व्यक्तिगत मुद्दती निक्षेपमा अधिकतम ९ प्रतिशत र संस्थागततर्फ ७ प्रतिशत ब्याज तोकेका छन् । 

सिद्धार्थ बैंकले व्यक्तिगत मुद्दती निक्षेपमा अधिकतम ९.२५ प्रतिशत र संस्थागततर्फ ८.२५ प्रतिशत दिने भएको छ । नेपाल बैंकले व्यक्तिगत मुद्दती निक्षेपमा अधिकतम ८.५५ प्रतिशत र संस्थागततर्फ ६.५५ प्रतिशत ब्याज तोकेको छ । सिटिजन्स बैंकको व्यक्तिगत मुद्दती निक्षेपमा अधिकतम ९.३५ प्रतिशत र संस्थागततर्फ ६.६० प्रतिशत ब्याज रहेको छ ।  

यस्तै कृषि विकास बैंकले व्यक्तिगत मुद्दती निक्षेपमा अधिकतम ९.०१ प्रतिशत र संस्थागततर्फ ७.०१ प्रतिशत तोकेको छ । नबिल बैंकले व्यक्तिगत मुद्दती निक्षेपमा अधिकतम ८.६० प्रतिशत र संस्थागततर्फ ६.६० प्रतिशत तथा स्टान्डर्ड चार्टर्ड बैंकले व्यक्तिगत मुद्दती निक्षेपमा अधिकतम ८.५६ प्रतिशत र संस्थागततर्फ ५.३५ प्रतिशत ब्याज तोकेका छन् । 

राष्ट्रिय बाणिज्य बैंकले व्यक्तिगत मुद्दती निक्षेपमा अधिकतम ८.६१ प्रतिशत र संस्थागततर्फ ६.६१ प्रतिशत तोकेको छ । कुमारी बैंकले व्यक्तिगत मुद्दती निक्षेपमा अधिकतम ९.३१ प्रतिशत र संस्थागततर्फ ७.३१ प्रतिशत, एनआईसी एसिया व्यक्तिगत मुद्दती निक्षेपमा अधिकतम ८.६७ प्रतिशत र संस्थागततर्फ ६.६७ प्रतिशत ब्याज तोकेका छन् । 

प्राइम कमर्सियल व्यक्तिगत मुद्दती निक्षेपमा अधिकतम १० प्रतिशत र संस्थागततर्फ ८ प्रतिशत र नेपाल इन्भेस्टमेन्ट मेगा बैंकले व्यक्तिगत मुद्दती निक्षेपमा अधिकतम ९.५ प्रतिशत र संस्थागततर्फ ७.५ प्रतिशत ब्याज दिने भएका छन् । 

वाणिज्य बैंकहरूको औसत ब्याजदर मंसिरको तुलनामा ०.६२ प्रतिशतले घटेर ८.९९ प्रतिशतमा झरेको छ । मंसिरमा वाणिज्य बैंकको औसत ब्याजदर ९.९१ प्रतिशत थियो । सबैभन्दा बढी हिमालयन बैंकले ब्याजदर घटाएको छ । मंसिरमा व्यक्तिगत मुद्दती निक्षेपमा १०.६०३ प्रतिशत राखेको यस बैंकले अधिकतम ब्याजदर पुसमा २ प्रतिशतबिन्दु घटेर ८.६०३ प्रतिशतमा झरेको छ ।