आइतबार शेयरबजार बढ्यो, ५ अर्बभन्दा बढीको कारोबार

१ पुस, काठमाडौं । चालु साताको पहिलो कारोबार दिन आइतबार पौन २८ अंकले शेयरबजार बढेको छ । आइतबार २७.७५ अंकले बढेको शेयर बजार २०२२.३५ विन्दुमा आएर बन्द भएको छ । 

यसदिन २९५ कम्पनीका १ लाख १ हजार १२८ पटक भएको कारोबारमा १ करोड ७१ लाख ६६ हजार ४६५ कित्ता शेयर किनबेच हुँदा ५ अर्ब १५ करोड ७८ लाख ४६ हजार ९७९ रूपैयाँको कारोबार भएको छ । यसदिन १८५ कम्पनीको शेयर मूल्य बढ्दा ५२ कम्पनीको घटेको छ भने ४ कम्पनीको स्थिर छ ।