खानेपानी र विद्युतले उपत्यकाका सडक कुरुप बनाए : ज्वाला

२ पुस, काठमाडौं । भौतिक पूर्वाधार विकासमन्त्री प्रकाश ज्वालाले अहिले उपत्यकाका मुल सडकमा खाल्डा खुल्डी नभएपनि वित्रि सडकमा यो समस्या कामयमै रहेको बताएका छन् । उनले खानीपानी, विद्युतले बनिसकेका सडक खनेर कुरुप बनाउने गरेको बताए । 

एक सरकारी नकिाय र अर्को सरकारी निकायकाबीच समन्वय नहुँदा उपत्यकामा बनिसकेका धेरै जसो सडक बिग्रने गरेको बताए । उनले संविधानले तोकेको काम सरकारहरुले गर्नुपर्ने बताए । ललितपुर महानगरपालिका १०५औं स्थापना दिवसको अवसरमा बोल्दै ज्वालाले संघ सरकार, प्रदेश सरकार र स्थानीय सरकारले आ–आफ्नो काम गर्नुपर्ने बताएका हुन् ।

अन्तर सरकारबीच समन्वय नभएको विषयलाई कोट्याउँदै उनले सरकारले जिम्मेवारी अनुसार काम गर्नपर्ने बताए । ‘अहिले उपत्यका खाल्डाखुल्डीमुक्त रहेको छ । भौतिक मन्त्रालय अन्तर्गत रहेको सडकमा खाल्डो छैन, कहिले खानेपानी, कहिले विद्युतले खाल्डो बनाउने समस्या रहेको ज्वालाले बताए ।