कस्तो छ त इजरायलले पत्ता लगाएको हमासको ४ किमी लामो सुरूङ ?

३ पुस, तेल अहिव । इजरायली सेनाले हालै गाजा पट्टीमा अहिलेसम्म भेटिएको सबैभन्दा ठूलो सुरुङ फेला पारेको बताएको छ । यसको साइज यति ठूलो थियो कि सुरुङ भित्र साना सवारीसाधन सहजै जान सक्ने थियो

इजरायली सेनाको एक विज्ञप्तिमा भनिएको छ कि सुरुङ चार किलोमिटर भन्दा बढी क्षेत्रफलमा फैलिएको छ र इरेज सीमा पार गर्ने भन्दा बाहिर ४०० मिटर (१३०० फिट) गहिरो थियो ।

इजरायली सेनाले लाखौं डलरको लागत र निर्माण गर्न धेरै वर्ष लागेर यो सुरूङ बनाएको बताएको छ । उसका अनुसार परियोजनाको नेतृत्व हमास प्रमुख याह्या सिनवारका भाइ मोहम्मद याह्याले गरेका थिए, जो अक्टोबर ७ को हमलाको मुख्य योजनाकार मानिन्छन् ।

यस टनेलमा धेरै प्रकारका सुविधाहरु देखिएका छन्, जल निकासी प्रणाली, बिजुली, भेन्टिलेसन, ढल निकास र सञ्चार सञ्जालका साथै रेलको सुविधा पनि थियो। सुरुङको भुइँ कम्प्याक्टेड माटोले बनेको छ भने पर्खालहरू भने कंक्रिटले बनेका छन्।

इजरायली सेनाका प्रवक्ता लेफ्टिनेन्ट कर्नल रिचर्ड हेचले भने कि हमासले यस परियोजनामा ​​ठूलो स्रोत लगानी गरेको थियो र यसको एकमात्र उद्देश्य इजरायल राज्य र त्यहाँका बासिन्दाहरूलाई आक्रमण गर्नु थियो। उनले इरेज क्रसिङ नजिकै जानाजानी सुरुङ निर्माण गरिएकोसमेत बताए ।

स्मरण रहोस, गत अक्टोबर ७ मा हमासले गाजा पट्टीबाट इजरायलमा केही मिनेटमै ५ हजारभन्दा बढी रकेट प्रहार गरेको थियो । हमासले इजरायल विरुद्धको अभियानलाई ‘अल अक्सा फ्लड’ नाम दिएको छ। यसको जवाफमा इजरायली सेनाले हमासविरुद्ध  ‘स्वार्ड्स अफ आइरन’ अपरेशन सुरु गरेको थियो ।