हतारमा नागरिकता ऐन पारित गर्नुपर्दा विवाहका सम्बन्धमा केहि कुरा छुटेका छनः तिमिल्सिना

३ पुस, काठमाडौं । राष्ट्रियसभाका अध्यक्ष गणेशप्रसाद तिमिल्सिनाले विवादकै रहेका बेला हतारमा नागरिकता ऐन पारित गर्नुपरेकाले केहि महत्वपूर्ण विषयहरू सम्बोधन हुन नसकेको बताएका छन् । उनले हतार र विवादले गर्दा विवाह हुने बित्तिकै विदेशी चेलीले नेपाली नागरिकता पाउने विषय निर्णयमा पुग्न नसकेको बताएका छन् । 

मंगलबार बिहान महिला कानुन र विकास समाजद्वारा काठमाडौंमा आयोजित कार्यक्रममा उनले छिमेकी देश भारतमा सोसम्बन्धी सात वर्षको प्रावधान रहेको उल्लेख गरे । विवाह हुने बित्तिकै विदेशी चेलीले नेपाली नागरिकता पाउने विषय बहसमा छ । विवादकै बीच नागरिकता ऐन पास भएको छ, छिमेकी देश भारतमा सात वर्षको प्रावधान छ, उनले भने । 

देशको भूराजनीतिक स्थितिका कारण सबै अवस्था अकै र सहज हुन्छ भन्ने नभएको उनले स्पष्ट पारे । यी विषयमा छलफल गर्नुपर्नेमा उनले जोड दिए । भारतसँग सम्बन्धमा केही खटपटले एउटा धारणा बन्ने गरेको छ । यसले राष्ट्रियतामा आशंकाहरू बढाउने गर्छन् । यो स्वाभाविक होला र यी विषयमा छलफल गर्नुपर्छ, अध्यक्ष तिमिल्सिनाले भने, देशको भूराजनीतिक अवस्थाको कारणले सबै अवस्था एकै र सहज हुन्छ भन्ने छैन । यी विषयमा छलफल गर्नुपर्छ ।