मंसिरसम्म बैंकहरुमा ६० खर्ब निक्षेप, ५० खर्ब कर्जा लगानी
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
पुस ३, २०८० मंगलबार १२:३६:५१
३ पुस, काठमाडौं । चालू आर्थिक वर्षको मंसिर सकिँदा बैंक तथा वित्तीय संस्थाहरूमा संकलित निक्षेप ६० खर्बभन्दा माथि पुगेको छ । यो अवधिमा बैंकहरुले ५० खर्ब हाहराहारीमा कर्जा लगानी गरेका छन् । नेपाल राष्ट्र बैंकको पछिल्लो तथ्याङ्कअनुसार समग्र बैंक तथा वित्तीय संस्थाको निक्षेप ६० खर्ब तीन अर्ब पुगेको छ । साउन यता निक्षेप निरन्तर बढ्दै गएको राष्ट्र बैंकको भनाइ छ ।
आर्थिक मन्दीले लगानीका अन्य क्षेत्रहरू ठप्प हुँदा सर्वसाधारण निक्षपकर्ताको पैसा बैंकमा राखेर ब्याज खाने प्रवृत्ति बढ्दा निक्षेपको आकार बढेको हो । असार मसान्तमा ५७ खर्ब ७० अर्ब रहेको निक्षेप पाँच महिनामा दुई खर्ब ३३ अर्ब रूपैयाँले बढेको छ । यतिबेला अर्थतन्त्रका बाह्य सूचकहरु सकारात्मक देखिएका छन् । आन्तरिक आर्थिक सूचकहरु भने दवावमै छन् ।
राष्ट्र बैंकका अनुसार कुल निक्षेपमध्ये वाणिज्य बैँकहरूसँग ५३ खर्ब १३ करोड रूपैयाँ रहेको छ । यस्तै अन्य बैंक तथा वित्तीय संस्थाको निक्षेप ६ खर्ब ९१ अर्ब रूपैयाँ रहेको छ । बैंक तथा वित्तीय संस्थाहरूको निक्षेप ६० खर्ब नाघ्दा कर्जा लगानी ५० खर्ब नजिक पुगेको छ । हालसम्म बैंकिङ प्रणालीबाट ४९ खर्ब ९२ अर्ब रूपैयाँ कर्जा लगानी भएको राष्ट्र बैंकले जनाएको छ । जसमध्ये ४४ खर्ब १७ अर्ब रूपैयाँ कर्जा प्रवाह वाणिज्य बैंकहरूले मात्रै गरेका छन् ।
अन्य बैंक तथा वित्तीय संस्थाहरूबाट ५ खर्ब ७५ अर्ब रूपैयाँ कर्जा लगानी भएको छ । बैंकहरूको निक्षेप संकलनको तुलनामा कर्जा प्रवाह सुस्त हुँदा कर्जा दिन सक्ने क्षमता उच्च रहेको राष्ट्र बैंकले जनाएको छ । हाल बैंक तथा वित्तीय संस्थाको कर्जा निक्षेप अनुपात (सीडी रेसियो) ८०.३६ प्रतिशत रहेको छ । बैंक तथा वित्तीय संस्थाहरूले अधिकतम ९० प्रतिशतसम्म मात्रै कर्जा निक्षेप अनुपात राख्न पाउने व्यवस्था छ । यस्तै बैंकहरूको अन्तरबैंक ब्याजदर २.६२ प्रतिशत रहेको छ ।
एक साताअघि राष्ट्र बैंकले मौद्रिक नीतिको त्रैमासिक समीक्षामार्फत केही नीतिगत लचकता अपनाएपछि सेयरबजारलगायतका क्षेत्रमा चहलपहल बढेको छ । बैंकलाई ब्याजदर घटाउन सहजीकरण गर्नका लागि राष्ट्र बैंकले मौद्रिक नीतिको पहिलो त्रैमासिक समीक्षा गर्दै नीतिगत दर १ प्रतिशत बिन्दुले घटाएको छ । राष्ट्र बैंकले नीतिगत दर ६.५ प्रतिशतबाट घटाएर ५.५ प्रतिशत कायम गरेको छ ।
यस्तै राष्ट्र बैंकले बैंकदर ७.५ प्रतिशतबाट घटाएर ७ प्रतिशत र निक्षेप संकलन दर ४.५ बाट घटाएर ३ प्रतिशत कायम गरेको छ । नीतिगत दर घटाएसगै बैंकहरुले पनि ब्याजदर घटाएका छन् । प्रणालीमा अधिक तरलता भएपछि राष्ट्र बैंकले रिभर्स रिपो जारी गरेर अन्तरबैंक ब्याजदर ३ प्रतिशतनजिक ल्याउन सफल भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजारमा धेरै भयो पैसा, वित्तीय प्रणाली कै तरलता व्यवस्थापन गर्न राष्ट्र बैंकलाई सकस
जेठ ३२, २०८१ शुक्रबार
अर्थतन्त्रको बाह्य क्षेत्रमा सुधार, १९ खर्ब नजिक पुग्यो विदेशी विनिमय सञ्चिति
जेठ २८, २०८१ सोमबार
१० महिनामा १२ खर्ब रेमिट्यान्स, वैदेशिक रोजगारीमा जाने नेपालीको संख्या भने घट्यो
जेठ २८, २०८१ सोमबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
५१ प्रहरी कर्मचारीहरुलाई ट्राफिक प्रशासन तालिम प्रदान
असार २, २०८१ आइतबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
लोमान्थाङमा च्याङग्राको भुवा प्रशोधन केन्द्र स्थापना
असार ३, २०८१ सोमबार
बजार व्यवस्थित नहुँदा सडकमै आँप किनबेच
असार ३, २०८१ सोमबार
भक्तराज आचार्यको बायोपिक फिल्म ‘आचार्य’को गीत सार्वजनिक
असार ३, २०८१ सोमबार
आन्दोलनरत ट्यांकर चालक र सरकारी पक्षबीचको वार्ता सकारात्मक, इन्धन आपूर्ति सहज
असार ३, २०८१ सोमबार
सशस्त्रमा आफू भए सबै ठीक, नभए संगठन नै बेठीक ?
असार ३, २०८१ सोमबार