शेयरबजार ४६ अंकले बढ्यो, ५ अर्बभन्दा बढीको कारोबार

२ पुस, काठमाडौं । चालु साताको तेस्रो कारोबार दिन मंगलबार करिब ४६ अंकले शेयरबजार बढेको छ । मंगलबार ४५.९८ अंकले बढेको सेयर बजार २१०६.४८ विन्दुमा आएर बन्द भएको छ । 

यसदिन ३१३ कम्पनीका ९९ हजार ६४१ पटक भएको कारोबारमा १ करोड ६४ लाख ५७ हजार १३८ कित्ता सेयर किनबेच हुँदा ५ अर्ब ९८ करोड ४६ लाख ९९ हजार १७५ रुपैयाँको कारोबार भएको छ । यसदिन १८३ कम्पनीको शेयर मूल्य बढ्दा ५३ कम्पनीको घटेको छ भने ७ कम्पनीको स्थिर छ ।