विभिन्न ठाउँबाट ३ जना मृत अवस्थामा फेला

३ पुस, काठमाडौं । विभिन्न ठाउँबाट ३ जना मृत अवस्थामा फेला परेको प्रहरीले जनाएको छ । काठमाडौं महानगरपालिका-१३ कालिमाटीस्थित टहरामा डेरा गरी बस्ने रोल्पा माडी गाउँपालिका-६ घर भएका ३७ वर्षीय दिपक बिक आफ्नै डेरा कोठामा  मंगलबार मृत अवस्थामा फेला परेका छन् । 

यस्तै, चितवनकाे कालिका नगरपालिका-४ सुनौलो टोल बस्ने ६० वर्षीय गिर बहादुर क्षेत्री सोही ठाउँस्थित पदमपुर सामुदायिक वनमा मंगलबार मृत फेला परेका छ्न । सोमबार दिउँसो घाँस काट्न वनमा गएका उनी घर नफर्किएपछि खोजी गर्ने क्रममा शव फेला परेको हो । 

यस्तै ललितपुरकाे दावरी नगरपालिका-५ लेले पहाडीस्थित देउपुजी सामुदायिक वनको खोल्सामा हाल नाम, थर, वतन नखुलेका करिब ३० वर्षीय पुरुष मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।