यो संविधान अनुसार कुनै पनि दलको एकल बहुमत आउँदैन : देउवा

३ पुस, पोखरा । नेपाली कांग्रेसका सभापति शेरबहादुर देउवाले कुनै न कुनै पार्टीसँग मिलेर सरकार बनाउनुपर्ने वाध्यता रहेको बताएका छन् । कांग्रेसको गण्डकी प्रदेश समितिको पहिलो सम्मेलनमा महामन्त्री गगन थापालगायतका नेताहरूले अबको चुनावमा कांग्रेस एक्लै लड्नुपर्ने बताउँदा देउवाले भने एक्लै कुनै पार्टीले बहुमत नल्याउने जवाफ दिए । 

यो संविधानअनुसार एक्लै बहुमत पुर्याउन गाह्रो हुने भएकाले कुनै न कुनै पार्टीसँग मिल्नुपर्ने बाध्यता रहेको बताएका हुन् । अहिले कांग्रेसको आकर्षक सिद्धान्तलाई मानेर सबै पार्टीहरू मिलेर आएको पनि देउवाको भनाइ थियो । पार्टीभित्र गुटबन्दी मौलाएको, नेताहरूले टिकट वितरणमा न्याय नगरेको जस्ता आवाज सम्मेलनमा नेताहरूले बोल्ने क्रममा उठाएका थिए । देउवाले भने पार्टी एक जुट हुनुको विकल्प नरहेको बताए ।

अहिले नेपाली कांग्रेस देशको सबैभन्दा ठूलो पार्टी रहेको भन्दै देउवाले अब अझै ठूलो र बहुमतमै ल्याउन सक्ने बनाउनेतिर लाग्न नेता कार्यकर्तालाई निर्देशन दिए । उनले कांग्रेसमा देशैभरि उत्साह देखिएको र प्रदेश सम्मेलनले झनै उत्साह थप्ने उनको भनाइ थियो ।

देउवाले संविधान अनुसार एक पार्टीको बहुमत पुर्याउन गाह्रो भएको बताए । संविधान अनुसार एक पार्टीको बहुमत पुर्याउन गाह्रो छ । त्यसैले कुनै पनि पार्टी मिलेर सरकार बनाउनुपर्ने वाध्यता पनि हो’, उनले भने ।

अरू पार्टीले कांग्रेसको आदर्श, सिद्धान्त सबै पार्टीहरूले मानेर आएकाले पार्टीको जित भएको मान्नुपर्ने सभापति देउवाले सुनाए । उनले भने, ‘अहिले हाम्रो पार्टीको आदर्श र सिद्धान्त भनेको महत्वपूर्ण कुरा हो । हाम्रो आदर्श, सिद्धान्त सबै पार्टीहरूले मानेर आएका छन् । त्यसकारण हाम्रो पार्टीको जित भएको मान्नुपर्छ ।’