देशभरिको तापक्रम घट्ने क्रममा, चिसोबाट बच्न सतर्कता अपनाउन अनुरोध

४ पुस, काठमाडौं। देशभरिको तापक्रम घट्ने क्रममा रहेकोले काठमाडौं उपत्यका लगायत देशैभर चिसो ह्वात्तै बढेको छ । हाल नेपालमा पश्चिमी वायुको आंशिक प्रभाव  रहेको छ। 

जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशका कोशी, मधेश, बागमती, गण्डकी र लुम्बिनी प्रदेशमा आंशिक बदली  रही बाँकी भू-भागमा मौसम सामान्यतया सफा रहेको छ। महाशाखाका अनुसार तराईका धेरै जसो भु भागमा हुस्सु र कुरहिरो लागेको छ ।

दिउँसो देशभर आंशिक बदली देखि सामान्यतया सफा रहनेछ।  राती भने देशभर आंशिक बदली देखि सामान्यतया सफा रहनेछ । देशभरिको तापक्रम घट्ने क्रममा रहेकोले चिसोबाट बच्न आवश्यक सतर्कता अपनाउन महाशाखाले अनुरोध गरेको छ ।