भारतमाथि दक्षिण अफ्रिका ८ विकेटले विजयी

४ पुस, काठमाडौं । दक्षिण अफ्रिकाले भारतविरुद्धको दोस्रो एकदिवसीय खेल जितेको छ । गएराती सम्पन्न खेलमा दक्षिण अफ्रिका ८ विकेटले विजयी भएको हो ।

जारी सिरिजको दोस्रो खेलमा भारतले दिएको २१२ रनको लक्ष्य पछाएको दक्षिण अफ्रिकाले ४२.३ ओभरमा २ विकेट गुमाउँदै लक्ष्य पुरा गरेको थियो ।

यसअघि पहिला ब्याटिंग गर्दै भारतले ४६.२ ओभरमा अल आउट हुँदै २११ रन बनाएको थियो । यो जितपछि दक्षिण अफ्रिकाले ३ खेलको सिरिजमा १-१ को बराबरी गरेको छ । यसअघि पहिलो खेल भारतले जितेको थियो।अब सिरिजको तेस्रो तथा अन्तिम खेल बिहिबार हुने छ ।