शिख नेताको हत्यासम्बन्धी प्रमाणको अनुसन्धान गर्न भारत तयार : मोदी
नेपालबहस संवाददाता
पुस ४, २०८० बुधबार १६:५९:५१
४ पुस, नयाँदिल्ली । भारतीय प्रधानमन्त्री नरेन्द्र मोदीले संयुक्त राज्य अमेरिकामा शिख ‘पृथकतावादी’ नेताको हत्याको षडयन्त्रबारे उपलब्ध गराइएको कुनै पनि प्रमाणको अनुसन्धान गर्ने बताएका छन् ।
अमेरिकी न्याय विभागले गत महिना एक भारतीय नागरिकमाथि अमेरिकी भूमिमा एक शिख नेताको हत्याको षडयन्त्र रचेको आरोप लगाएको थियो ।
प्रधानमन्त्री मोदीले यस विषयमा आफ्नो पहिलो टिप्पणीमा भने, “यदि हाम्रो नागरिकले केही राम्रो वा नराम्रो काम गरेको छ भने हामी त्यसलाई हेर्न तयार छौं । हाम्रो प्रतिबद्धता विधिको शासनप्रति हो ।”
यसअघि भारतीय विदेश मन्त्रालयले ’यस मामिलाका सबै सान्दर्भिक पक्षहरूको अध्ययन गर्न’ ‘उच्चस्तरीय’ छानबिन समिति गठन गरेको बताएको थियो ।
नोभेम्बर २९ मा अमेरिकी न्याय विभागले न्युयोर्क शहरमा भारतीय मूलका अमेरिकी नागरिक ५२ वर्षीय निखिल गुप्ताविरुद्धको हत्या गर्ने असफल योजनामा संलग्नताको आरोप सार्वजनिक गरेको थियो ।
न्याय विभागका अनुसार हत्यामा संलग्न व्यक्ति ‘भारत सरकारको मुखर आलोचक हुन् र उनी अमेरिकास्थित शिख समुदायको सङ्गठनको नेतृत्व गर्छन् । उनले उत्तरी भारतीय राज्य पञ्जाबलाई अलग गर्ने पक्षमा वकालत गर्छन् ।
भारतमा बस्दै आएका गुप्तालाई चेक रिपब्लिकका अधिकारीहरूले अमेरिकी सुपुर्दगी आदेश अन्तर्गत पक्राउ गरेका थिए । ह्वाइट हाउसले संयुक्त राज्य अमेरिकामा एक शिख पृथकतावादीको हत्या गर्ने कथित षडयन्त्रलाई ‘अत्यन्त गम्भीरताका साथ’ हेरिरहेको र भारत सरकारसँग यो मुद्दा उठाएको बताएपछि मोदीको यो टिप्पणी आएको हो ।
सोही दिन फाइनान्सियल टाइम्सले अमेरिकी र क्यानडेली नागरिक गुरपतवन्त सिंह पन्नुनको हत्याको षडयन्त्र असफल पारेको समाचार प्रकाशित गरेको थियो ।
क्यानडाका प्रधानमन्त्री जस्टिन ट्रुडोले गत सेप्टेम्बरमा क्यानडाका नागरिक हरदीप सिंह निज्जरको हत्यामा नयाँ दिल्लीलाई जोडेपछि क्यानडा र भारतबीच ठूलो कूटनीतिक विवाद भएको थियो । नयाँ दिल्लीले क्यानडाको आरोपलाई ‘बेतुकको’ आरोप मात्रै भएको बताएको छ ।
मोदीले फाइनान्सियल टाइम्ससँग भनेका छन्, “भारत विदेशमा रहेका केही अतिवादी समूहका गतिविधिप्रति निकै चिन्तित छ ।” “अभिव्यक्ति स्वतन्त्रताको आडमा यी तत्वहरुले धम्की दिने र हिंसा भड्काउने काम गरेका छन्,” उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपट्रम्प भन्छन् - राष्ट्रपतिमा यस पटक हारे भने फेरी उम्मेदवार बन्दिन
असोज ८, २०८१ मंगलबार
इजरायलको आक्रमणमा लेबनानमा ४९२ जनाको मृत्यु, १६४५ भन्दा बढी घाइते
असोज ८, २०८१ मंगलबार
अपडेट : लेबनानमा इजरायली आक्रमणमा २१ बालबालिकासहित २७४ जनाको मृत्यु
असोज ७, २०८१ सोमबार
आईजीपीको विदेश भ्रमणः रवि–छवि पक्राउ छल्ने, सरकारलाई असहयोग गर्ने
नेपालबहस संवाददाता
असोज ८, २०८१ मंगलबार
नेकपा एसमा विवादः रामकुमारीसहित असन्तुष्ट नेताहरु एमालेसँग नजिकिदै
नेपालबहस संवाददाता
असोज ६, २०८१ आइतबार
आईजीपीको विदेश भ्रमणः रवि–छवि पक्राउ छल्ने, सरकारलाई असहयोग गर्ने
असोज ८, २०८१ मंगलबार
सय रुपैयाँमा मिनिरल वाटर बेच्ने जिम्बु थकालीलाई ३ लाख जरिवाना
असोज ७, २०८१ सोमबार
चाडपर्व लक्षित विशेष सुरक्षा योजना कार्यान्वयन गर्न निर्देशन
असोज ८, २०८१ मंगलबार
वर्षा नहुँदा धान उत्पादक किसान चिन्तित
असोज ८, २०८१ मंगलबार
कुमारी बैंकको गोर्कणेश्वर नगरपालिकामा महिला उद्यमी प्रशिक्षण सम्पन्न
असोज ८, २०८१ मंगलबार
झुट्ठो विवरण पेस गरी नागरिकता बनाएको अभियोगमा पक्राउ
असोज ८, २०८१ मंगलबार
फोहोर पानी प्रशोधन केन्द्रको काम समयमै सक्न खानपानीमन्त्रीको निर्देशन
असोज ८, २०८१ मंगलबार