घोराही सिमेन्टको बोनस शेयर घोषणा, बुक क्लोज कहिले ?

६ पुस, काठमाडौं । घोराही सिमेन्ट इन्डस्ट्रीले बोनस शेयर दिने भएको छ । कम्पनीको सञ्चालक समिति बैठकले गत आर्थिक वर्षसम्मको सञ्चित रकमबाट शेयरधनीलाई १५ प्रतिशत बोनस शेयर दिने निर्णय गरेको हो । 

बोनस शेयर दिने विषयलाई आगामी साधारणसभामा प्रस्ताव लैजाने तयारी गरिएको छ । २८ पुसका लागि बोलाइएको कम्पनीको साधारणसभामा शेयरधनीलाई बोनस शेयर दिने प्रस्ताव गरिने भएको छ । जसका लागि १६ पुसमा बुक क्लोज हुनेछ । १५ पुससम्म कायम शेयरधनीले बोनस शेयर र साधारणसभामा भाग लिन पाउने छन् ।