आज सुन तोलामा ८ सय र चाँदी ५ रुपैयाँले महँगो

५ पुस, काठमाडौं । नेपली बजारमा पुस महिनाको अन्तिम साता सुन र चाँदीको मूल्य बढेको छ । नेपाल सुनचाँदी व्यवसायी महासंघकाअनुसार सुनको मूल्य एक सातामा तोलामा २ हजार रुपैयाँ र चाँदीको मूल्य ३० रुपैयाँले बढेको हो ।

महासंघकाअनुसार शुक्रबार छापावाल सुनको मूल्य एक लाख १९ हजार ८ सय रुपैयाँ तोकिएको छ । यस्तै, तेजावी सुनको मूल्य एक लाख १९ हजार २५० रुपैयाँ र चाँदीको मूल्य एक हजार ४८५ रुपैयाँ कायम भएको छ ।

यो मूल्य अघिल्लो कारोबार दिनको तुलनामा सुन तोलामा ८ सय र चाँदी ५ रुपैयाँले महँगो हो । अन्तर्राष्ट्रिय बजारमा भने यो साता सुनको ३.९७ डलर प्रतिऔंषले घटेर २ हजार ४८.६२ अमेरकी डलर प्रतिऔंष कायम भयो । यस्तै चाँदीको मूल्य प्रतिऔंष ०.५२ प्रतिशतले घट्यो ।