विद्यालयको पठन पाठन ठप्प पारेर बालबालिकालाई मुख्यमन्त्रीको स्वागतमा

दीपक शर्मा 

५ पुस, काठमाडौं । मुख्यमन्त्रीको स्वागत र महोत्सवको लागी भनेर विद्यालयको पठन पाठन ठप्प पारिएको छ । बर्दियाको गुलरिया नगरपालिका पौष ६ गते आजदेखि सुरु भएको प्रादेशिक कृषि पर्यटन तथा औद्योगिक व्यापार महोत्सवको उद्‍घाटन समारोहमा विद्यालयमा अध्ययनरत बालबालिकालाई प्रयोग गरिएको हो ।

बालबालिकालाई आ आपनो विद्यालयबाट विहान ११ बजे नै ¥यालीमा सहभागी गराएको थियो । विद्यालयको पठन पाठन ठप्प पारेर लुम्बिनी प्रदेशका मुख्यमन्त्री डिल्ली चौधरीको स्वागत र महोत्सवको प्रचार प्रसारका लागी विद्यालय समयमा विद्यालय बन्द गराई बालबालिकालाई प्रयोग गरिएको हो ।

यस विषयमा गुलरिया नगरपालिकाका प्रमुख प्रशासकीय अधिकृत ओमकार शाहले विद्यालयका बालबालिका विद्यालयमा हुने समयमा कसरी ¥यालीमा गए भन्ने विषयमा आफूलाई थाहा नभएको बताए ।

यता गुलरिया नगरपालिका अन्तर्गत  शिक्षा युवा तथा खेलकुद शाखाका प्रमुख सतिश यादवले महोत्सव आयोजक उद्योग वाणिज्य संघ गुलरियाले महोत्सव उद्‍घाटनको दिनमा बालबालिकालाई ११ वजे रयालीमा सहभागी गराइदिन भनि पत्र काटेको र सोहि अनुसार बालबालिकाहरू सहभागी भएको बताए ।

विद्यालयको पठन पाठन ठप्प पारेर मुख्यमन्त्रीको स्वागत र महोत्सवको लागी बालबालिका प्रयोग गरिएकोमा स्थानिय वासीले आक्रोस पोखेका छन ।