एनसेल प्रकरणमा ओलीका कुरा !
नेपालबहस संवाददाता
पुस ८, २०८० आइतबार १९:३४:३२
८ पुस, काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले सरकारले बेथिति गरेको छ भन्ने प्रश्न उठाउँदा ध्यान मोड्ने काम भएको भन्दै आपत्ति जनाएका छन् । दूरसञ्चार सेवा प्रदायक कम्पनी एनसेलको सेयर बिक्रीमा अनियमितता र बेथिति भएको कुराबाट ध्यान मोड्न एनसेलका व्यापारीलाई आफ्नो पनि चिनजान रहेको भन्ने कुरा अगाडि सारिएको भन्दै ओलीले असन्तुष्टि जनाएका हुन् ।
बैतडीको झुलाघाटदेखि पाँचथर चिवाभन्ज्याङसम्मको सम्बृद्धिका लागि संकल्प यात्राबारे जानकारी दिन आयोजित पत्रकार सम्मेलनमा ओलीले राज्यको सम्पत्ति डुबाउने खेल आफूलाई अस्वीकार्य हुने बताए । राज्यको सम्पत्ति केही व्यक्तिका फाइदाका लागि, केही व्यक्तिले फाइदा लिएर राज्यको सम्पत्ति डुबाउने काम रोकिनुपर्छ । संसदीय समितिमा र सार्वजनिक रूपमा पनि छलफल भइरहेको छ ।
उनले भने, लोकलाज त राखेर काम गर्नुपर्याे नि सरकारले । अब त कस्तो भयो भने तपाईंको सरकारले यस्तो बेथिति ग¥यो भन्दा त्यो बेथिति गर्ने व्यापारीलाई त केपी ओलीले पनि चिन्या छ नि भन्छ । केपी ओलीले नेपालका व्यापारी किन चिन्दैन, चिन्छ नि त । बेथिति गर्नु र व्यापारी चिन्नु एउटै कुरा हो ?’
प्रधानमन्त्री पुष्पकमल दाहाल प्रचण्डले एनसेलको शेयर किन्ने व्यापारीको सिंगापुरस्थित घरमा केपी शर्मा ओली र शेरबहादुर देउवासँगै आफ्नो पनि बास भएको अभिव्यक्ति संसदीय समितिमा दिएका थिए । राज्यव्यवस्था तथा सुशासन समितिको बैठकमा प्रधानमन्त्रीले दिएको उक्त अभिव्यक्तिको ओलीले आलोचना गरेका हुन् ।
एनसेलका विषयमा सरकारी निकायहरूको विरोधाभाषपूर्ण भनाइ आएको प्रति पनि ओलीले असन्तुष्टि जनाएका छन् । उनले एनसेलको शेयर बिक्री भएको हो कि होइन भन्ने कुरा स्पष्ट पार्नुपर्ने बताए । कहिले बेचेको हो भन्छ, कहिले बेचेको होइन भन्छ संचार मन्त्रालयले । फेरि शेयर बेचिएको हो भन्छ । यस्तो खालको हुनुभएन,’ उनले भने । सरकारमा रहेका व्यक्तिहरूले मुलुकको ध्यान एकातिर मोडेर अर्कै काममा लाग्न नहुने ओलीको भनाइ थियो ।
ओलीले अहिले मध्यपहाडी लोकमार्ग ‘बैंसमा दाँत फुक्लिएको’ जस्तो देखिएको टिप्पणी गरे । साथै, उनले मध्यपहाडी लोकमार्गसँग जोडिएका कुराहरू राम्रो हुनुपर्ने बताए । यसको उठान र निर्माणसँग जोडिएका सबै कुराहरू राम्रो हुनुपर्छ । मध्यपहाडी भेगको जीवनलाई, जवानीलाई । अहिले बैंसमा दाँत फुक्लिएको जस्तो भएको छ । त्यसलाई जोगाउने हो भने विकासका पूर्वाधार तयार गर्नेदेखि लिएर त्यहाँका हार्डवेयर बनाउने काम गर्नुपर्छ, उनले भने ।
ओलीले थपे, ‘झुलाघाट–चिवाभञ्ज्याङ समृद्धिका लागि संकल्प यात्रा’का सन्दर्भमा प्रचण्ड र देउवासँग पनि कुरा भएको थियो । गठबन्धन, सरकार र प्रधानमन्त्रीसँग गर्नुपर्ने थुप्रै कुराहरू छन् । त्यहाँका जनता र भूगोलले मागेका कुराहरू धेरै छन् । समय मिलाएर म कुरा राख्छु ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपवनमन्त्री र भुटानका ऊर्जा मन्त्रीबीच भेटवार्ता
असोज ८, २०८१ मंगलबार
संघीयता कार्यान्वयन पछि स्वास्थ्य र शिक्षामा मुलुक आत्मनिर्भर बन्दैछः सभापति देउवा
असोज ८, २०८१ मंगलबार
कार्यक्रममा होहल्ला गर्ने ४ केन्द्रीय सदस्यसहित ९ जनालाई जनमतले सोध्यो स्पष्टीकरण
असोज ८, २०८१ मंगलबार
आईजीपीको विदेश भ्रमणः रवि–छवि पक्राउ छल्ने, सरकारलाई असहयोग गर्ने
नेपालबहस संवाददाता
असोज ८, २०८१ मंगलबार
नेकपा एसमा विवादः रामकुमारीसहित असन्तुष्ट नेताहरु एमालेसँग नजिकिदै
नेपालबहस संवाददाता
असोज ६, २०८१ आइतबार
आईजीपीको विदेश भ्रमणः रवि–छवि पक्राउ छल्ने, सरकारलाई असहयोग गर्ने
असोज ८, २०८१ मंगलबार
सर्वोच्च अदालतले भन्यो, दुर्गा प्रसाईंलाई थुनामै राखेर अनुसन्धान गर्नु
असोज ८, २०८१ मंगलबार
हाकिमको आदेशविना ५० लाख झ्वाम, पत्याउनै कठिन !
असोज ८, २०८१ मंगलबार
आईसीसी विश्वकप क्रिकेटः वर्षाका कारण नेपाल र ओमान बीचको खेलका लागि ट्स हुन सकेन
असोज ८, २०८१ मंगलबार
नेपाल प्रहरीका ४१ एसपीको सरूवा, को कहाँ ?
असोज ८, २०८१ मंगलबार
वनमन्त्री र भुटानका ऊर्जा मन्त्रीबीच भेटवार्ता
असोज ८, २०८१ मंगलबार
मञ्जुरीबिना विवाह गरेका नाबालकलाई मुद्दा नचलाइने
असोज ८, २०८१ मंगलबार
सुशासन कायम गर्न राजनीतिक नेतृत्वमा इमानदारिता चाहिन्छ : मुख्यमन्त्री आचार्य
असोज ८, २०८१ मंगलबार