दिल्लीमा हुन लागेको प्रतियोगितामा सहभागी खेलाडीको बिदाइ

११ पुस, वीरगंज । दिल्लीमा हुन लागेको दिल्ली साउथ एसियन च्याम्पियनसिप प्रतियोगितामा भाग लिन जान लागेका खेलाडीलाई नेपाल  सितोरियो कराते संघ पर्साले एक कार्यक्रमकाबीच मंगलबार बिदाइ गरेको छ । 

प्रतियोगितामा भाग लिन वीरगंजबाट ९ जनाको टोली दिल्ली लागेको नेपाल सितोरियो कराते संघ पर्सा जिल्ला का उपाध्यक्ष सुवाष श्रेष्ठले जानकारी दिए ।

खेलाडीहरुलाई फुल माला लगाएर बिदाइ गरिएको उनले बताए । दिल्लीको लालकटोर रंगशाला इन्दौरमा आउँदो २१ र २२ गते प्रतियोगिता हुने पनि उनले जानकारी दिए ।  

बिदाइ कार्यक्रममा संघका अध्यक्ष  सन्तोष सर्राफले र उपाध्यक्ष सुवास श्रेष्ठ ले  खेलाडीलाई देशको नाम राख्ने गरि कुशल प्रदर्शन गरेर देखाउन आग्रह गर्दै विजयको अग्रिम शुभकामना दिए।

बिदाइ कार्यक्रममा संघका सचिव उदय नारायण, सह-सचीव, प्रेम गुरुङ कोषाध्यक्ष राकेश श्रेष्ठ, प्रशिक्षक विकास साह, प्रशिक्षक नसिम अहमद, लगायतको सहभागिता रहेको थियो।