डेडिकेटेड र ट्रंकलाइनको विवादबारे उद्योगी र प्रधानमन्त्रीबीच छलफल हुँदै

१२ पुस, काठमाडौं । प्राधिकरणले विद्युत लाइन काटिदिएपछि समस्यामा  परेका उद्योगीले आज प्रधानमन्त्री पुष्पकमल दाहालसँग विवाद समाधानबारे छलफल गर्दैछन् । उद्योगीहरुले बिहीबार प्रधानमन्त्री प्रचण्डलाई भेटेर ज्ञापनपत्र पनि बुझाउने तयारी उनीहरुको छ । 
प्रधानमन्त्रीको सयम मिलेपछि उनीहरुले भेट गर्ने छन् । डेडिकेटेड र ट्रंकलाइनको विवादकाबीच नेपाल विद्युत प्राधिकरणले लाइन काटिदिएपछि उद्योगीहरुले शीर्ष नेताहरुलाई भेटेर समस्या समाधानका लागि आग्रह गरिरहेका छन् । 

उद्योग परिसंघका उपाध्यक्ष अमित मोरसहितका उद्योगीहरुले मंगलबार एमाले अध्यक्ष केपी शर्मा ओलीलाई र बुधबार नेपाली कांग्रेसका सभापति शेरबहादुर देउवालाई भेटेर कानुनसम्मत तरिकाले विवाद समाधान गर्न आग्रह गरेका हन् । उनीहरुले आज प्रधानमन्त्री भेट्न लागेका हुन् ।