हिमालयन एयरलाइन्सबाट नेपाल–ल्हासा सिधा उडान सुरु

१२ पुस, काठमाडौं । नेपाल–ल्हासा सिधा हवाई उडान सुरु भएको छ । हिमालयन एयरलाइन्सले बिहीबारदेखि काठमाडौँबाट लासा नियमित उडान सुरु गरेको हो । काठमाडौँ–ल्हासा उडान उद्घाटन गर्दै संस्कृति पर्यटन तथा नागरिक उड्डयनमन्त्री सुदन किरातीले  चीन र नेपालको सम्बन्धमा नेपाल लासा सिधा हवाई उडान दोस्रो सेतुको रुपमा स्थापित भएको बताए ।

सन् १९६५ मा निर्माण सम्पन्न भएको अरनिको राजमार्गलाई चीनसँगको सम्बन्धको पहिलो सेतु मानिप्नि अब दोस्रो प्रमुख सेतु नेपालबाट तिब्बतमा हुने सोझो हवाई उडान हुने उनले बताए ।  तिब्बतको ल्हासामा प्रति वर्ष लगभग १ करोड पर्यटकहरू घुम्न आउने गर्छन् जसमध्ये ठुलो संख्या चिनियाँ बौद्ध धर्मावलम्बीहरूको हुने गर्छ जसको २५ प्रतिशत चिनियाँ पर्यटक मात्रै नेपाल भित्र्याउन सकियो भने अर्थतन्त्रमा ठुलो टेवा पुग्ने छ ।