उपरथी थापालाई रथीमा बढुवा गर्न सिफारिस

१२ पुस, काठमाडौं । नेपाली सेनाको बुढुवा सिफारिस समितिले उपरथी निर्मलकुमार थापालाई रथीमा बढुवाका लागि सिफारिस गरेको छ । समितिले उनलाई बढुवा सिफारिस गर्ने निर्णय गर्दै ७ दिने सूचना जारी गरेको छ । 

रथी सिताराम खड्का अनिवार्य अवकासमा गएपछि रिक्त भएको पदमा थापालाई बढुवा गर्न लागिएको हो । उपरथी थापा हाल राष्ट्रसंघीय शान्ति मिसन सिरियामा फोर्स कमाण्डरको रुपमा कार्यरत छन् । थापाविरुद्ध कुनै दाबी विरोध वा उजरी भए बढुवा समितिमा ७ दिन भित्रमा दिन भनिएको छ । नेपाली सेनामा दुई जना रथीको दरबन्दी छ । 

यसअघि अशोकराज सिग्देल बढुवा भएका थिए । सिग्देल र हाल बढुवा सिफारिस भएका थापा मध्येबाट आगामी भदौदेखि नेपाली सेनाको कमाण्ड गर्ने छन् । हालका प्रधानसेनापति प्रभुराम शर्मा आगामी भदौ २४ गते कार्यकाल पूरा गरेर अवकास हुनेछन् ।