विराटनगरमा एभरेष्ट बैंकको एटीएम फोडियो

१३ पुस, विराटनगर । विराटनगरमा एभरेष्ट बैंकको एटिएम मेसिन फुटाइएको छ । बिहीबार राति बैंकको विराटनगर शाखा कार्यालय अगाडि राखेको एटिएम मेसिन फुटाइएको हो । 

मोरङ प्रहरी प्रवक्त डिएसपी रञ्जनकुमार दाहालले एटीएम मेसिन फुटाएर चोरीको प्रयास भएको बताए । चोरी गर्ने उदेश्यले मेसिनको कभर फुटाएको देखिन्छ, घटनामा संलग्न व्यक्तिको खोजी भइरहेको छ, उनले भने । 

मध्यरातमा लाठी जस्तो देखिने वस्तुको साहारामा एटीएम मेसिन फुटाउने प्रयास भएको उनले बताए । गत ३० कात्तिकमा पनि विराटनगरको मुख्य बजार महेन्द्र चोकमा नबिल बैंकका एटिएम फोडेर चोरीको प्रयास भएको थियो ।