कांग्रेसद्वारा एक हजार अस्थायी आवास बनाएर भूकम्पपीडितलाई हस्तान्तरण

१५ पुस, काठमाडौं । नेपाली कांग्रेसले बाचा गरेअनुसार एकहजार अस्थायी आवास बनाएर सम्पन्न गरेको छ । जाजरकोट भूकम्पबाट पीडितहरूका लागि कांग्रेसले एक हजार वटा अस्थायी आवास निर्माण गरेको हो । प्रचार विभाग प्रमुख मीन विश्वकर्माले जाजरकोट भूकम्पबाट पीडितका लागि पार्टीले एक हजार वटा अस्थायी आवास निर्माण गरेको जानकारी दिए ।

उनले बैठकले पार्टीको घोषणाबमोजिम अस्थायी आवास निर्माण अभियानमा सहयोग पुर्याउने सबैलाई धन्यवाद ज्ञापन गरेको बताए । १७ कात्तिकमा गएको भूकम्पपछि कांग्रेसले तत्काल सरकारको दैवी प्रकोप उद्धार कोषमा ५० लाख रुपैयाँ सहयोग गरेको थियो भने महामन्त्रीद्वय गगनकुमार थापा र विश्वप्रकाश शर्माको संयोजकत्वमा भूकम्प प्रभावित क्षेत्र केन्द्रीय अनुगमन तथा सहजीकरण समिति गठन गरेको थियो ।

सरकारले पीडितलाई अस्थायी आवासका लागि प्रतिपरिवार ५० हजार रुपैयाँ अनुदान दिने व्यवस्था गरेको छ । अहिलेसम्म पनि पीडितहरूले अस्थायी आवास बनाउन नसकेको विषयमा कांग्रेसले फेरि सरकारको ध्यानाकर्षण गराएको छ । कांग्रेसले बनाएका अस्थायी आवास भूकम्पनपीडितहरुलाई जिम्मा लगाएको छ ।