मुम्बईको कारखानामा भीषण आगलागी, ६ जनाको मृत्यु

१५ पुस, मुम्बई । महाराष्ट्रको छत्रपति संभाजी नगरमा रहेको एक कारखानामा भीषण आगलागी भएको छ । जुन आगलागीमा परी ६ जनाको मृत्यु भएको छ ।

छत्रपति संभाजीनगरमा रहेको पञ्जा बनाउने कारखानामा आइतबार बिहान भीषण आगलागी भएको अधिकारीहरुले बताएका छन् । यस दुर्घटनामा कम्तीमा छ जनाको मृत्यु भएको प्रहरीले जनाएको छ । वालुज एमआईडीसी क्षेत्रमा रहेको कारखानामा करिब २ः१५ बजे देखी आगलागी सुरु भएको दमकल विभागले जनाएको छ ।

यसअघि भवनभित्र कम्तीमा ५ जना कर्मचारी फसेको स्थानीयले दाबी गरेका थिए । तर, दमकल विभागका अधिकारीहरूले पछि आगलागीमा ६ जनाको मृत्यु भएको पुष्टि गरेका छन् ।

आगलागी हुँदा कारखाना बन्द रहेको र केही कामदार भित्र सुतिरहेको मजदुरले बताए । ‘आगो लाग्दा १०–१५ कर्मचारी भवन भित्र सुतिरहेका थिए। केही भाग्न सफल भए तर कम्तीमा पाँच जना भित्र फस्न पुगे,’ एक कर्मचारीले भने।