मन्त्री ज्वालाको गाडीमा आगजनी गरेको आरोपमा पक्राउ परेका ७३ जनालाई बिना अभियोग रिहा

१५ पुस, काठमाडौं ।  बालकुमारी घटनामा प्रहरीले नियन्त्रणमा लिएको सबैलाई छाडेको छ। प्रहरीको केन्द्रीय प्रवक्ता डिआइजी कुबेर कडायतले शुक्रबारको प्रदर्शनबाट प्रहरीले नियन्त्रणमा लिएका सबैलाई छाडिएको जानकारी दिए।

मन्त्री प्रकाश ज्वालाको सवारीमा आगजनी प्रकरणमा ललितपुरको बालकुमारीबाट समातिएका ७३ जनालाई कुनै पनि मुद्दा नलगाई  छाडिएको हो ।  गृह मन्त्रालयले रोजगारीका लागि विदेश जान लागेको उनीहरुको भविश्वमा पर्ने असरलाई ध्यानमा राखेर कुनैपनि मुद्दा नलगाई रिहा गर्न निर्देशन दिएको जनाएको छ ।  

गाडीमा आगजनी पछि भएको प्रदर्शन स्थलबाट पक्राउ गरिएका ७३ जनालाई छाड्ने निर्णय गरिएको हो । पुस १३ मा रोजगार अनुमति प्रणाली (इपिएस) मार्फत कोरियामा काम गर्न जान खोज्नेहरुले गरेको प्रदर्शनको क्रममा पक्राउ गरिएकाहरुलाई छाड्ने निर्ण भएको गृहमन्त्रालयका एक अधिकारीले जानकारी दिए । पक्राउ गरिएकाहरुलाई मुद्धा नचलाउने निर्णय भएअनुसार उनहिरुलाई छोड्न लागिएको हो । 

मुद्धा नचलाउने निर्णयपछि प्रहरीको नियन्त्रणमा रहेका ७३ जना सहज रुपमा छुट्नेछन् । भौतिक पुर्वाधार तथा यातायात मन्त्री प्रकाश ज्वाला चढ्ने बा.२ झ ५८६१ नम्बरको गाडी जलाएको र भौतिक सम्पती तोडफोड गरेको आरोपमा उनिहरु पक्राउ परेका हुन् । प्रदर्शनमा प्रहरीको दनमबाट दुईजनाको मृत्यु भएको छ । मृत्यु हुनेमा दैलेख घर भएका सुजत रावत र अछामका विरेन्द्र शाह छन् ।