राष्ट्रियसभा निर्वाचनमा गठबन्धन गरेर जाने कांग्रेसकाे निर्णय, यसअघि अवसर नपाएकालाई प्राथमिकता दिने (पूर्णपाठ)

१५ पुस, काठमाडौं । नेपाली कांग्रेसले आसन्न राष्ट्रियसभा निर्वाचनमा गठबन्धन गरेर जाने निर्णय गरेको छ । पार्टी कार्यालय सानेपामा पुस १२ देखि १४ सम्म बसेको केन्द्रीय समिति बैठकले राष्ट्रियसभा निर्वाचनमा गठबन्धन गर्ने निर्णय गरेको हो ।

आइतबार पार्टी कार्यालय सानेपामा बैठकको निर्णय सार्वजनिक गर्दै पत्रकार सम्मेलनमा प्रचार विभाग प्रमुख मीन विश्वकर्माले राष्ट्रियसभा निर्वाचनमा सत्ता गठबन्धन गरेर जाने निर्णय भएको बताए । 

पार्टीमा योगदान गरेका, संसदीय क्षेत्रमा योगदान गर्न सक्ने क्षमता भएका, पार्टीप्रति प्रतिबद्ध र स्वच्छ छवि भएका हालसम्म कुनै अवसर नपाएका र विभिन्न कारणबाट अवसरबाट बञ्चित भएका योग्य तथा व्यक्ति अवसर दिने निर्णय बैठकले गरेको हाे ।

यस्तै केन्द्रीय समिति बैठकले भ्रातृ संस्थाको तदर्थ समितिलाई फेरि अवधि थप्ने निर्णय गरेको छ । पार्टीको उक्त निर्णयसँगै नेपाल विद्यार्थी संघ, तरुण दल, महिला संघ, किसान संघ, लोकतान्त्रिक आदिवासी जनजाति महासंघ लगायतको म्याद ६ महिना थपिएको छ ।

यस्ता छन् ११ निर्णय (पूर्णपाठ)