राष्ट्रियसभाको सीट मिलाउन बालुवाटारमा रस्साकस्सी

१५ पुस, काठमाडौं । सत्ता गठबन्धनमा रहेका दलहरु राष्ट्रियसभा सदस्यको सीट भागबण्डा मिलाउन बालुवाटारमा भेला भएका छन् । उनीहरुबीच कुन दलले कति सीट लिने भन्नेमा छलफल भइरहेको छ । राष्ट्रियसभा सदस्य निर्वाचन र सिट बाँडफाँडबारे छलफल गर्न बालुवाटारमा गठबन्धनका शीर्ष नेताहरूको बैठक बसेको हो । 

राष्ट्रियसभा सदस्यका लागि कुन दलबाट कति उम्मेदवार उठाउने भन्ने बारेमा छलफल हुने नेताहरूले बताएका छन् । बैठकमा प्रधानमन्त्री पुष्पकमल दाहाल ‘प्रचण्ड’सहित  कांग्रेसका सभापति शेरबहादुर देउवा, नेकपा एसका अध्यक्ष माधव नेपाललगायत नेताहरू सहभागी छन् । आगामी पुस २३ गते राष्ट्रियसभा सदस्य उम्मेदवारको उम्मेदवारी मनोनयनको समय तोकिएको छ ।