स्कारपियाको ठक्करबाट बाँकेमा २ जनाको मृत्यु एकको अवस्था गम्भिर

दीपक शर्मा 

१६ पुस, बाँके । बाँकेमा स्कारपियो गाडीको ठक्करबाट २ जनाको मृत्यु भएको छ भने अन्य १ जना गम्भिर घाइते भएका छन । 

जिल्ला प्रहरी कार्यालय बाँकेका प्रहरी नायव उपरीक्षक नारायण डाँगीका अनुसार आइतबार राती सिक्टा सिँचाई आयोजनाको कार्यालय नजिक नेपालगञ्ज उपमहानगरपालिका १८ कारकाँदो स्थित सुदुरपश्चिम प्रदेशको ०१ ००१ च ३४६३ नम्बरको स्कारपियाे अनियन्त्रित हुँदा पैदल यात्रीलाई ठक्‍कर दिएको थियो ।

ठक्कर बाट गम्भीर घाइते भएका नेपालगन्ज १३ निवासी २४ वर्षीय आस्था शाह र पहिचान खुल्न नसकेका १ जना पुरुषको उपचारको लागी अस्पताल लैजाँदै गर्दा मृत्यु भएको बताए । 

घटनामा नेपालगञ्ज १३ का २५ वर्षिय सहाना शाहको उपचार भइरहेको छ । गाडी चालक राजाराम जैशीलाई प्रहरीले नियन्त्रणमा लिएको जनाएको छ ।