राष्ट्रियसभा निर्वाचनबारे कांग्रेस र माओवादीबीच बालुवाटारमा छलफल

१७ पुस, काठमाडौं । सत्तारुढ दल नेपाली कांग्रेस र नेकपा माओवादीका शीर्ष नेताहरुबीच राष्ट्रियसभा निर्वाचनबारे छलफल भएको छ । राष्ट्रिय सभाका उम्मेदवार चयन र सीट संख्याबारे कांग्रेस र माओवादीका शीर्ष नेताबीच छलफल भएको हो । 

छलफलका लागि कांग्रेसका शीर्ष नेताहरू प्रधानमन्त्री निवास बालुवाटरमा पुगेका थिए । बैठकमा प्रधानमन्त्री प्रचण्डसहित कांग्रेस सभापति शेरबहादुर देउवा, उपसभापति पूर्णबहादुर खड्का, महामन्त्री गगनकुमार थापा, प्रमुख सचेतक रमेश लेखक सहभागी छन् ।

राष्ट्रिय सभा सदस्यको चुनाव माघ ११ गते हुँदैछ । चुनावको मिति नजिकिएसँग सत्ता साझेदार दलहरुले भागबन्डाका लागि कसरत गरिरहेका छन् ।