उच्च अदालतमा ४० जना न्यायाधीश नियुक्त हुँदै

१७ पुस, काठमाडौं । न्याय परिषदले उच्च अदालतमा ४० जना न्यायाधीश नियुक्तिको तयारी गरेको छ । बुधबार बस्ने परिषदको बैठकले न्याायधीश नियुक्त गर्न लागेको हो । स्रोतका अनुसार मंगलबार सम्भावित उम्मेदवारको टुंगो लगाइएको छ ।

जिल्ला न्यायाधीशबाट उच्च अदालतका न्यायाधीश नियुक्त गरिनेछ । त्यसपछि क्रमशः कानुन व्यवसायी र न्याय सेवाका कर्मचारीबाट नियुक्त हुनेछन् । न्यायाधीश नियुक्तिका लागि न्याय परिषदको बैठक बुधबार बिहान बोलाइएको छ ।

प्रधानन्यायाधीश विश्वम्भरप्रसाद श्रेष्ठ अध्यक्ष रहेको न्याय परिषद्मा सदस्यहरू कानुनमन्त्री धनराज गुरुङ, वरिष्ठतम् न्यायाधीश ईश्वरप्रसाद खतिवडा र वरिष्ठ अधिवक्ताहरू रामप्रसाद श्रेष्ठ र रामप्रसाद भण्डारी छन् । यस्तै, बुधबार नै मुख्य रजिस्ट्रार र रजिस्ट्रारको नियुक्ति पनि हुने स्रोतको दावी छ ।