एक घण्टामै सकियो नेपाल-भारत संयुक्त आयोगको बैठक

१९ पुस, काठमाडौं । नेपाल–भारत संयुक्त आयोगको सातौं बैठक सकिएको छ । नेपालका परराष्ट्रमन्त्री एनपी साउद र भारतका विदेशमन्त्री एस. जयशंकरको संयुक्त अध्यक्षतामा काठमाडौंको याक एन्ड यति होटलमा भएको बैठक करिब एक घन्टा चलेको थियो ।

बैठकमा द्विपक्षीय आर्थिक सम्बन्ध, कटेक्टिीभिटी, व्यापार तथा पारवहन, उर्जा तथा जलस्रोत, शिक्षा र संस्कृति तथा राजनीतिक विषयमा छलफल भएको बताइएको छ । उक्त अवसरमा द्विपक्षीय आर्थिक सम्बन्ध, कटेक्टिीभिटी, व्यापार तथा पारवहन, उर्जा तथा जलस्रोत, शिक्षा र संस्कृति तथा राजनीतिक विषयमा छलफल भएको परराष्ट्रमन्त्री एनपी साउदले जनाएका छन् ।

उनले जयशंकरसँग द्विपक्षीय भेटवार्ता गर्न पाउदा खुसी लागेको उल्लेख गर्दै विषयगत क्षेत्रहरु अन्तर्गत नेपाल–भारत सम्बन्धका विभिन्न पक्षमा छलफल बताएका हुन् ।