जाडोमा नगर्नुहोस् यी गल्ती, हुन सक्छ पेटमा पत्थरी

२१ पुस, काठमाडौं । जाडोमा मानिसहरूले पानीको मात्रा कम गर्छन्। पानीको कम सेवनले शरीरमा पत्थरी बन्ने खतरा बढाउँछ । जब शरीरलाई पर्याप्त मात्रामा पानी प्राप्त हुन्छ, यसले शरीरलाई पिसाबको रूपमा सोडियम, यूरिया र फोहोर पदार्थहरू हटाउन मद्दत गर्दछ। 

कम पानी पिउनाले पिसाबमा मिनरल्स र लवण बढेर क्रिष्टलका रुपमा जम्मा भएर पत्थरी हुन्छ । ढुङ्गा भएमा ढाडको तल्लो भागको दुबै तर्फ कडा दुख्ने, पिसाबमा रगत आउने, पिसाब नलीमा जलन हुने जस्ता लक्षण देखिन्छन् । यस्तो अवस्थामा तुरुन्त चिकित्सकको सल्लाह लिनुपर्छ ।

पत्थरी बन्नुको मुख्य कारण पानी कम पिउनु बाहेक पालक, सागसब्जी र टमाटरको अत्यधिक सेवनले मृगौलामा पत्थरी र पिसाबमा पत्थरी हुने सम्भावना हुन्छ । क्याल्सियम औषधिको अत्याधिक सेवन र युरिक एसिडको वृद्धि शरीरमा पत्थरी बन्नुको मुख्य कारण हो ।

यी कुराहरुबाट टाढा रहनुहोस्

पत्थरीबाट बच्न पर्याप्त मात्रामा पानी पिउने, 
नियमित व्यायाम गर्ने, 
जंकफुडबाट टाढा रहने, 
नुन र प्रोटिनको मात्रा बढी नखाने 
डिब्बामा बन्द गरेका खानेकुरा नखाने
 चिसो पेय पदार्थको सेवन नगर्ने