कांग्रेसको कार्यसम्पादन समितिको बैठक स्थगित

२१ पुस, काठमाडौं ।  नेपाली कांग्रेसको शनिबार आजका लागि तय भएको कार्यसम्पादन समितिको बैठक भोली बस्ने गरि स्थगित भएको छ । 

आजका लागि तय भएको बैठक भोलि 'आइतबार' दिउँसो १ बजे पार्टी केन्द्रीय कार्यालय सानेपामा बस्ने गरि सारिएको कांग्रेसका प्रचार विभाग प्रमुख मिन विश्वकर्माले बताए ।

माघ ११ गतेका लागि तय भएको राष्ट्रिय सभा निर्वाचनमा सोमबार 'पुस २३ गते' उम्मेदवारी दर्ता गर्ने कार्यतालिका छ। राष्ट्रिय सभाको सिट भागबन्डाबारे गठबन्धनमा भएको छलफल र पार्टीको कदमबारे  बैठकले भोली निर्क्योल गर्नेछ। 

कांग्रेसको भोलीको बैठकमा पार्टीको आगामी महासमिति बैठक र समसामयिक राजनीतिक विषयमा पनि छलफल हुनेछ।  निर्वाचनको मिति नजिकिए पनि सत्ता गठबन्धनले भागबन्डा गरिसकेको छैन ।