राष्ट्रियसभा सदस्यको सीट भागबन्डाबारे निर्णय लिन सत्ता गठबन्धनका शीर्ष नेताहरू छलफलमा

२१ पुस, काठमाडौं । राष्ट्रियसभा सदस्यको निर्वाचनका क्रममा उम्मेदवारी मनोनयनको समय नजिकिँदै गएपछि सरकारमा सहभागी दलका शीर्ष नेताहरु सीटको भागबन्डामा केन्द्रित भएर छलफल गर्न थालेका छन् ।  कुन दलले कति सीट लिने भन्नेमा दलका नेताहरू लागिरहेका छन् । 

नेकपा एमालेलाई पनि सीट दिएर निर्वाचनमा जाने भनिएपनि यसबारे ठोस निर्णय हुन सकेको छैन् । कांग्रेसले कति सीट लिएर अरुदलमा जाने भन्नेबारे कांग्रेसभित्र पनि सहमति भइसकेको छैन । एक्लाएक्लै निर्वाचनमा जाँदा कांग्रेसले धेरै सीट जित्ने भएकाले जति सक्यो गठबन्धनबाट धेरै सीट लिनुपर्ने कांग्रेस सभापति शेरबहादुर देवालाई छ ।  

आगामी ११ फागुनमा हुने निर्वाचनका लागि भागबन्डा टुंगो लगाउन नेताहरू प्रधानमन्त्री निवास बालुवाटरमा छलफलमा जुटेका हुन् । बैठकमा कांग्रेस, माओवादी, जनता समाजवादी र एकीकृत समाजवादीका शीर्ष नेताहररु सहभागी भएका छन् । राष्ट्रिय सभा चुनावका लागि नेताहरूले यसअघि पनि निरन्तर छलफल गरिरहेका छन् । निर्वाचन नजिक आए पनि भागबन्डा भने मिलिसकेको छं ।